Labarai
Shaikh Zakzaky Ya Karrama Mahaddaciyar Alkur’ani A Ranar Ghadeer
Daga Ofishin Sayyid Ibraheem Zakzaky (H)
A kokarinsa na nuna wa al’umma muhimmancin Alkur’ani Mai Girma, Jagora Shaikh Ibraheem Zakzaky (H) ya karrama wata yarinya mai suna Narjis Adamu, ‘yar shekaru 11 a duniya da ta haddace Alkur’ani, a jiya Juma’a 18 ga Zulhijja 1444 (7/7/2023) a gidansa da ke Abuja.
Mahaifin yarinyar Malam Adamu Gwanimi daga Ningi ta jihar Bauchi, ya shaida wa Jagora (H) cewa, tana da kimanin shekaru 6 da haihuwa, ya ga ba ta mai da hankali kan karatun Alkur’ani ba, sai ya yi mata alkawarin cewa, matukar ta tsaya ta haddace Alkur’ani, to Insha Allah ya mata alkawarin zai kai ta ta ga Malam idan Allah Ya nufi fitowarsu. Yace a nan ne ta dage ta mai da hankalin da a cikin shekaru 5 ta haddace Alkur’anin.
Jagora ya yabawa yarinyar, tare da karrama ta da kyaututtuka, ciki har da kyautar Turba da kuma Tasbaha. Sannan ya ja hankalinta a kan kara ba da kokari da lizimtar karatun.
Shaikh Ibraheem Zakzaky (H) ya bayyana yadda wasu yara Allah Yake musu baiwar iya haddace Alkur’ani suna da karancin shekaru sosai. Yace, an fahimci cewa tun kan yara su fara iya magana suke iya fara haddace bangarorin Alkur’ani in har an lizimci karanta su a yayin da suke ciki, ko bayan an haife su. “In ana karanta Alkur’ani tun yara suna ciki yana shigansu.”
Jagora ya karkare da kira ga yara da iyayensu a kan yadda ya kamata a rika yi wa yara Tarbiya. Yace, wasa da dadi, ba a hana yaro wasa gaba daya, a yi wasa ne kadan sai a yi karatu da yawa. “Bai kamata a tarke yaro ace sai karatu kawai zai yi, in bai yi ba har a hada masa da bulala, ba a duka.” Ya jaddada.
Ya bayyana matukar jin dadinsa game da yadda mutanen wannan yanki, musamman kananan yara suke ta kokarin lizimtar Alkur’ani da kiyaye shi. Tare da addu’ar Allah Ya yalwata hakan a nan gaba.
@SZakzakyOffice
08/07/2023
Cibiyar Wallafa
Labarai
Yadda Jagora Shaikh Zakzaky Ya Yi Musharaka Da ‘Yan Uwa A Yayin Tattakin Arbaeen Zuwa Karbala
Jagora Shaikh Ibraheem Zakzaky (H) ya yi musharaka a cikin Tattakin Yaumul Arbaeen da ake yi a ƙasar Iraki, a yau Alhamis 17 ga Safar 1446 (22/8/2024).
Tare da yadda ya rika rabawa al’ummar da ke Tattakin daga Najaf zuwa Karbala hadiyyar abinci da hannunsa masu albarka, don hidimtawa maziyartan Imam Husaini (AS), a Maukibin Ofishinsa da ke Amudi na 1117 a kan hanyar.
Wannan shi ne karo na farko da Shaikh Ibraheem Zakzaky (H) ya halarci taron Arbaeen din Imam Husaini (AS) a haraminsa da ke Karbala, wanda za a gudanar da taron a ranar Lahadi mai zuwa. Duk da a baya Jagoran ya sha ziyartan makwancin Imam din a lokutan baya, amma ba a daidai lokacin Arbaeen ba.
Za ku iya ganin kuma wasu Hotunan Jagoran, a yayin da ya halarci Maukibin Tariƙatul Husain, a ranar Laraba 16 ga Safar da daddare, inda ya gabatar da jawabi akan yadda sadaukarwar Imam Husaini (AS) ta kawo juyi ga duniyar Musulmi zuwa ga sahihin addini.
Cibiyar Wallafa
A ranar Lahadi 12 ga watan Safar 1446 ne Jagora Shaikh Ibraheem Zakzaky (H) ya bar gida Nijeriya zuwa birnin Karbala Mai Tsarki, don yin Musharaka a taron Yaumul Arbaeen na Imam Husaini (AS) na wannan shekarar, tare da tawagarsa.
Ranar Talata, 14 ga Safar, jami’an Ataba Husainiyya suka tarbe shi a Haramin Imam Husaini (AS) da ke birnin na Karbala. A yayin ziyarar ya gana da Sheikh Abdul Mahdi Karbalai, inda suka tattauna batutuwan da suka shafi yada koyarwar Ahlulbaiti a cikin al’umma.
Wannan ne karo na biyar da Jagora Shaikh Ibraheem Zakzaky (H) ya je ƙasar ta Iraqi domin ziyarar Limaman Shiriya da Mashhadodinsu ke kasar, sai dai kuma shi ne karo na farko da Jagoran ya je a daidai lokacin da ake gudanar da taron Yaumul Arbaeen, inda miliyoyin maziyarta ke zuwa daga sassa daban-daban na fadin duniya.
Daga tawagar da ke gudanar da Tattaki, musamman daga birnin Najaf zuwa Karbala a duk shekara, akwai tawagar mutanen Nahiyar Afirka, musamman ‘yan Nijeriya, almajiran Shaikh Zakzaky da suke karatu a can, da kuma daruruwan da suke tafiya duk shekara daga nan kasar zuwa kasar Iraq din musamman don wannan, kuma a ranar Lahadin su ma suka fara yin Tattakin daga birnin Najaf, inda suka nufi Karbala, ana sa ran isarsu kafin ko zuwa ranar Arbaeen, wanda za ta fado ranar Lahadi mai zuwa.
Akwai Maukibi da aka tanada musamman don yin hidima ga maziyartan Imam Husaini (AS), wanda ke gudana karkashin ofishin Jagora Shaikh Ibraheem Zakzaky (H) a Amudi na 1117, inda dimbin al’umma ke ziyarta suna karban Hadiyya, tare da yi na Jagora addu’a ta musamman.
A gida Nijeriya ma, gobe Laraba ‘yan uwa almajiran Shaikh Ibraheem Zakzaky za su fara gudanar da Tattakin, don misaltawa daga sassa daban-daban na fadin kasar, inda ake sa ran za a rufe a ranar Lahadi, wadda ta dace da ranar Arbaeen din Imam Husaini (AS) na bana, a birnin tarayya, Abuja.
Ga wasu daga hotunan tarbar Jagora, wanda shafin ofishinsa suka wallafa a yau Talata.
Cibiyar Wallafa
Harkar Musulunci a Nijeriya, ƙarkashin Jagorancin Shaikh Ibraheem Zakzaky (H), ta gudanar da gaggarumin bikin tunawa da ranar da aka naɗa Imam Ali (AS) a matsayin Khalifa kuma Magajin Annabi (S) a bayansa.
Taron wanda ya gudana a garin Abuja, a ranar Talata 18 ga watan Zulhijja 1445, daidai da 25 ga watan June 2024. Sheikh Zakzaky ne ya zama Babban Baƙo mai jawabi a wajen taron.
Ga Hotunan taron:
Cibiyar Wallafa
-
Makaloli12 months agoLabarin Fitina Tawayiyya A Takaice
-
Labarai3 months agoJagora Shaikh Ibraheem Zakzaky Ya Isa Birnin Karbala
-
Labarai5 months agoAn Yi Taron Bikin Idil Ghadir A Abuja
-
Labarai5 months agoJagora Sayyid Zakzaky (H) Ya Yanka Ragonsa Na Layya
-
Bidiyo6 months agoShaikh Zakzaky Ya Yi Ta’aziyyar Shahadar Shugaban Iran, Ebraheem Ra’isi
-
Labarai6 months agoJagora Sheikh Zakzaky (H) Ya Gana Da Dandalin Ɗalibai A Ranar Tunawa Da Imam Khomeini
-
Labarai6 months agoA Yayin Bikin Tunawa Da Auren Imam Ali (As) Da Sayyida Zahra (As), Jagora Sheikh Zakzaky (H) Ya Gana Da Dandalin Matasan Sharifai
-
Labarai3 months agoYadda Jagora Shaikh Zakzaky Ya Yi Musharaka Da ‘Yan Uwa A Yayin Tattakin Arbaeen Zuwa Karbala